ရန်ကုန်တိုင်းဒေသကြီးကွန်ပျူတာလုပ်ငန်းရှင်အသင်း
(Yangon Region Computer Industry Association – Yangon-MCIA)
နှင့်
မြန်မာနိုင်ငံ AOTS ကျောင်းသားဟောင်းများအသင်း
(Myanmar AOTS Alumni Association - MAAA)
တို့အကြား နားလည်မှုသဘောတူစာချုပ်ရေးထိုးပွဲအား ယနေ့ (၂၀၂၂) ခုနှစ်၊ စက်တင်ဘာလ (၂၂) ရက်နေ့တွင် ရန်ကုန်တိုင်းဒေသကြီးကွန်ပျူတာလုပ်ငန်းရှင်အသင်းရုံးခန်း၌ ကျင်းပပြုလုပ်ခဲ့ပါသည်။
နှစ်ဖက်အသင်းမှ ဥက္ကဋ္ဌများ၊ အတွင်းရေးမှူးများ၊ ဗဟိုအလုပ်အမှုဆောင်များ၊ အလုပ်အမှုဆောင်များ စုံညီစွာတက်ရောက်ခဲ့ကြပါသည်။
ရန်ကုန်တိုင်းဒေသကြီးကွန်ပျူတာလုပ်ငန်းရှင်အသင်း၏ အထွေထွေအတွင်းရေးမှူး ဒေါက်တာဒေါ်မြမြလွင်မှ နားလည်မှု သဘောတူစာချုပ်ချုပ်ဆိုရခြင်း၏ ရည်ရွယ်ချက်အား ရှင်းလင်းတင်ပြပြီးနောက်တွင်
နှစ်ဖက်အသင်း၏ ဥက္ကဋ္ဌ နှစ်ဦးမှ နားလည်မှုသဘောတူစာချုပ်အား အ​ပြန်အလှန် လက်မှတ်ရေးထိုးခဲ့ကြပါသည်။
အသိသက်သေများနေရာ၌ နှစ်ဖက်အသင်း၏ ဒုတိယ ဥက္ကဋ္ဌ များမှ လက်မှတ်ရေးထိုးခဲ့ကြပါသည်။
ထို့နောက် Myanmar AOTS Alumni Association မှ ဥက္ကဋ္ဌ ဒေါ်အေးအေးမူမှ ကျေးဇူးတင်စကားပြောကြားခဲ့ပြီး ဆက်လက်၍ Yangon Region Computer Industry Association မှ ဥက္ကဋ္ဌ ဦးမြင့်ဇော်မှ ကျေးဇူးတင်စကားပြောကြားပြီး အခမ်းအနားအား အောင်မြင်စွာရုတ်သိမ်းခဲ့ကြပါသည်။